ಮತ್ತೆ ಮಳೆ ಬಂದಿದೆ ! ಈಡೀ ಪ್ರಕೃತಿಯು ಈ ಪ್ರಕ್ರಿಯೆಗೆ ಮನಸೋತಿದೆ, ನಿನ್ನದೆ ಯೋಚನೆಗಳಲ್ಲಿ ಮಳೆಯಲ್ಲಿ ನಿಂತ ನಾನು ಹಸಿಯಾಗಲಿಲ್ಲ ಆದರೆ ನನ್ನ ಬಿಡದ ನಿನ್ನ ಮೋಹ ಹೃದಯದಲ್ಲಿ ನೆನಪಿನ ಮಳೆಯಿಂದ ಹಸಿಯಾಗಿದೆ.
ಮಳೆ ಮತ್ತು ನಾವಿಬ್ಬರು
==============
ಈ ಸಂಜೆ ಇಳಿದ ಮಳೆ
ರಾಶಿ ಮುತ್ತುಗಳ ಧಾರೆಯಾಗಿತ್ತು ನಮ್ಮಿಬ್ಬರ
ಮಳೆಯಲ್ಲಿನ ಜೊತೆಯಲ್ಲಿನ ಚಿತ್ರಗಳ ಚಿತ್ರಿಸಿತ್ತು
ಸುರಿದ ಒಂದೊಂದು ಹನಿಗಳಲ್ಲಿ
ಸೇರಿಕೊಂಡು ಕಳೆದ ದಿನಗಳು ನಿನ್ನ ಸ್ಪರ್ಶದಿಂದ
ಕಂಪಿಸಿದ ಘಳಿಗೆಗಳನ್ನ ಅಡಗಿಸಿಕೊಂಡು ಹೊಳೆಯುತಿತ್ತು
ಮಳೆಯ ಕೂಡಿಕೊಂಡ ಸಂಭ್ರಮದಲ್ಲಿ
ತೊಯ್ದ ಧರೆಯು ಹಾತೊರೆದು ತನ್ನೊಲವ ತೆರೆದು
ನವ ಚೈತನ್ಯದ ಕಂಪಿನಿಂದ ಕಂಗೊಳಿಸುತ್ತಿತ್ತು
ಸೃಷ್ಟಿಯ ಈ ಬಗೆಯ ಶೃಂಗಾರ ತಲ್ಲೀನತೆಯಲ್ಲಿ
ಪರವಶವಾದ ಪ್ರತಿ ಜೀವಿಯು ಈ ಸವಿಯ ಸವಿಯದವ
ಅರಸಿಕನೆಂಬ ಭಾವನೆಗಳ ಬಾಣಗಳನ್ನು ನನ್ನೆದೆಗೆ ಬಿಟ್ಟಿತ್ತು
ಹೊರಗೆ ಇಳೆ ಮಳೆಯ ನಿಲ್ಲದಾಟದಲ್ಲಿ
ನಿಂತು ನೋಟದಲಿ ಕಣ್ಣ ತುಂಬಿಕೊಂಡರೂ ಹಸಿಯಾಗದ ನನ್ನ
ಒಳಗೆ ಬಿಡದ ನಿನ್ನ ಮೋಹ ನೆನಪ ತಬ್ಬಿಕೊಂಡು ನೆನೆಯುತ್ತಲಿತ್ತು
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ
ಸಹೃದಯಿಗಳೇ, ನೆನಪಿಡಿ, ನಿಮ್ಮ ಅನಿಸಿಕೆ ನನ್ನ ಬರಹಗಳಲ್ಲಿನ ಕೊರತೆಗಳಿಗೊಂದು ಲಸಿಕೆ