ಬೆಳದಿಂಗಳ ರಾತ್ರಿಯಲಿ ನಿನ್ನ ಜೊತೆಯಲ್ಲಿನ ಆ ದಿನ ನೂರು ಮಾತುಗಳಿಗೆ ಸ್ಫೂರ್ತಿಯಾದರೂ ನಡುವೆ ಬೇಕಾದ ಒಂದು ಮಾತಾಡಲು ನನ್ನಿಂದಾಗಲಿಲ್ಲ. ನೀನು ನಕ್ಕಾಗಲೆಲ್ಲ ಗಾಳಿ ನಿನ್ನ ಚುಂಬನಳನ್ನೊತ್ತು ನನ್ನ ತಲುಪಿದಂತಾಗಿ ಕ್ಷಣಕಾಲ ಎಲ್ಲೋ
ಕಳೆದು ಹೋಗಿ, ಮತ್ತೆ ಆಸೆಗಳ ಒಳ ಸದ್ದಿಗೆ ಎಚ್ಚರಗೊಂಡು ಪ್ರಶ್ನೆ ಉತ್ತರಗಳ ಲೆಕ್ಕಾಚಾರಗಳಲ್ಲೇ ಗಿರಕಿ ಹೊಡೆಯುತ್ತಿದ್ದ, ನಿನಗಾಗಿ ಹಾತೊರೆದು ಹಂಬಲಿಸಿದ ಮನವ ನೀನು ನನ್ನ ಕಣ್ಣುಗಳಿಂದೋದಿ ಸಂತೈಸಿ ಇತ್ತ ಹಸ್ತಲಾಗವದ ಅರ್ಥ ಪ್ರೇಮವಲ್ಲದೆ ಮತ್ತೇನು?
ಇದು ಪ್ರೇಮವಲ್ಲದೆ ಮತ್ತೇನು ?
---------------------------------
ಅದೇನೋ....ಅದೇಕೋ....? ನಿನ್ನೊಡನಿರುವಾಗ
ಇಲ್ಲದ ವಿಷಯಗಳಿಗೆ ಜೀವ ಬಂದಾಗ
ಪ್ರತಿ ಕ್ಷಣಗಳು ಮಾತಾಗಿ ಗಮನಗಳೆಲ್ಲ
ನಿನ್ನ ನಗಿಸುವ ಖುಷಿಯಾಗಿಸುವ ಸಂಗತಿಗಳ ಹುಡುಕುತ್ತ
ಪಯಣಿಸುವವು ಮಧುರ ಕಲ್ಪನೆಗಳ ಗುರಿಗಳನ್ನೊತ್ತು
ನಿನ್ನ ನಗುವೇ ಮುತ್ತಿಟ್ಟು ಕಚಗುಳಿ ಇಡುವಾಗ
ಮಾತುಗಳು ಕಳೆದು ಹೋಗಿ
ತವಕಗಳು ಕೂಡುತ್ತ ಬಂದು ಎದೆಯನ್ನ ಜೋರಾಗಿ ಬಡಿಯುತ್ತ
ಒಳಗಿನ ಮೊತ್ತ ಎಣಿಸಲಾಗದೆ ಆಸೆಗಳು
ತನಗೆ ಬೇಕಾದ ಉತ್ತರವನ್ನೇ ಇಯುವವು
ತಾಳೆಯಾಗುವುದೋ ? ಎಂಬ ಪ್ರಶ್ನೆ ಸುತ್ತ ಪರಿಸರವ ಭಾರ ಮಾಡಲು
ಹಗುರಗೊಳಿಸುವ ತಾಕತ್ತು ನಿನ್ನೊಳಗೆ ಇದೆ ಎಂದು
ತಟ್ಟನೇ ನನ್ನೊಳಗೆ ಹೊಳೆದದ್ದು
ನನ್ನಾಸೆಗಳಿತ್ತ ಉತ್ತರವ ಕಣ್ಣಿಂದ ಕದ್ದು
ಮೋಹದಿಂದ ನೀನಿತ್ತ ಮಲ್ಲಿಗೆಯ ಮೃದು ಹಸ್ತಲಾಗವ ಅಲ್ಲವೇ?
